Kauaʻi Story

Aloha kākou. Ua hiki mai kākou i Kauaʻi, ka hā o nā moku ma ka huakaʻi a kākou. He mokupuni kahiko loa kēia, a he nani maoli no nā kuahiwi a me nā awāwa, nā nahele a me nā kapakai, a me nā kānaka e noho ana ma laila.

I ka wā kahiko loa hoʻi, e noho ana kekahi aliʻi kāne, ʻo Lohiʻau, ma Kauaʻi. ʻŌlelo nā kānaka, he aliʻi uʻi ʻo ia. A inā hoʻomaopopo ʻoukou no Pele ma ka mokupuni ʻo Hawaiʻi, he wahine kupaianaha ʻo ia, a he pāhaʻohaʻo nō hoʻi. I kekahi pō, e hiamoe ana ʻo Pele ma Laupāhoehoe, a lohe ʻo ia i ke kani o ka pahu ma kona moemoeā. ʻAʻole ʻo ia ʻike no hea mai ke kani. Ma loko o kona moeʻuhane, huli ʻo ia i ke kani. No hea mai? Holo ʻo Pele i Maui, i Molokaʻi, i Oʻahu. ʻAʻole ʻike i ke kumu o ke kani. A hiki i Hāʻena ma Kauaʻi, ʻike ʻo Pele iā Lohiʻau, ke aliʻi uʻi. Ma laila ke kumu o ke kani! Ua ʻike ʻo Pele a me Lohiʻau, kekahi i kekahi, a ua makemake nui. Ua moe pū ihola, a laila, kono ʻo Pele iā Lohiʻau e hui pū ma Hawaiʻi ma hope. Ua haʻalele ʻo Pele iā Lohiʻau, a ua make ihola ʻo Lohiʻau i ke aloha nui iā Pele.

Ua ala hou mai ʻo Pele ma Hawaiʻi. ʻOiai ua kono ʻo ia iā Lohiʻau e holo mai i Hawaiʻi, ʻōlelo ʻo Pele iā Hiʻiaka, kekahi kaikaina o Pele, “E huakaʻi ana ʻoe e kiʻi iā Lohiʻau naʻu.”

ʻōlelo ʻo Hiʻiaka iā Pele, “E huakaʻi au inā mālama ʻoe i ka nahele lehua nani a me koʻu hoaaloha maikaʻi loa ʻo Hopoe.”

Ua ʻae ʻo Pele, e mālama ʻo ia i ka nahele a me Hopoe nō hoʻi. No laila, haʻalele ʻo Hiʻiaka, a huikaʻi akula i Kauaʻi.

Ma ka huakaʻi, he nui loa nā moʻo, nā ʻuhane, a me nā pilikia. E lohi loa ana ʻo Hiʻiaka i ke kiʻi iā Lohiʻau a me ka hoʻi i Hawaiʻi. ʻIke ʻo Hiʻiaka iā Lohiʻau, ua make. Hana ʻo Hiʻiaka a ola mai ʻo Lohiʻau, a hoʻomaka lāua e hoʻi i Hawaiʻi, i Kïlauea hoʻi.

E kuhi ana naʻe ʻo Pele, ua makemake ʻo Hiʻiaka iā Lohiʻau i kāne nāna, a no laila, ua lili loa iā Hiʻiaka. Hoʻoholo ʻo Pele e hoʻā i ka nahele o Panaʻewa. Ua pau ihola ka nahele a me Hopoe kekahi, ka hoaaloha maikaʻi o Hiʻiaka.

Ma hope mai, kaumaha loa ʻo Hiʻiaka, a no laila, kiʻi ʻo ia e honi iā Lohiʻau i mua pono o Pele a me kona ʻohana!

Pehea kou manaʻo no ka pau ʻana o kēia moʻolelo? ʻAkahi nō paha a hoʻomaka!

No laila, e ka mea hoʻolohe, ʻaʻole nō i pau ka moʻolelo no Pele, Hiʻiaka, Hopoe, a me Lohiʻau, akā, ua lohe ʻoe i kekahi māhele pōkole. No laila, i kēia manawa, e hoʻolohe kākou i nā huaʻōlelo hou a e hoʻomaʻamaʻa i nā haʻawina.

[mepr-show if=”loggedin”] Disc 5, Musical Introduction
[mepr-s3-audio src=”oleloonline/audio/topics/disc-5-01.m4a”] Disc 5, Track 2
[mepr-s3-audio src=”oleloonline/audio/topics/disc-5-02.m4a”] [/mepr-show] [mepr-show if=”loggedout”]

Please log in to activate the audio player.

[/mepr-show]

Use the buttons below to go the previous item, the help index, or the next item.


Pane mai

Send comments, corrections, or questions about this page to Kumu Kaliko.