Lānaʻi Story

Maikaʻi loa! Ua aʻo nui kākou i ka ʻōlelo Hawaiʻi! I kēia manawa, e huakaʻi aku kākou i Lānaʻi, ka mokupuni hope loa o kā kākou huakaʻi.

[mepr-show if=”loggedin”] Disc 6, Track 24
[mepr-s3-audio src=”oleloonline/audio/topics/disc-6-24.m4a”] [/mepr-show] [mepr-show if=”loggedout”]

Please log in to activate the audio player.

[/mepr-show]

Aloha kākou. ʻOiai e holo ana a puni nā moku nui ʻeono o Hawaiʻi nei, ua hiki mai i Lānaʻi, ka mokupuni hope o kā kākou huakaʻi mokupuni.

He liʻiliʻi wale nō kēia mokupuni: 18 mile ka loa, a he 13 mile ka laulā. He 8 mile ke kaʻawale mai Maui mai, a he 9 mai Molokaʻi mai hoʻi. ʻO Lānaʻihale ka inoa o ke kuahiwi nui loa o Lānaʻi, a ma kahi o ka 3,400 kapuaʻi kona kiʻekiʻe.

I ka wā kahiko, ʻaʻole nō i nui nā kānaka e noho ana ma Lānaʻi. Ua ʻōlelo ʻia he nui nā ʻuhane hana ʻino ma laila. Ma hope, hoʻouna ke aliʻi kāne nui o Maui i kāna keikikāne i Lānaʻi no ka nuku ʻana iā ia, a ma hope o ka wā kūpono i ke keikikāne, ua pau nā ʻuhane a pau iā ia. Ma hope mai, noho nā kānaka ma Lānaʻi. Inā hoihoi loa ʻoe e heluhelu i kekahi moʻolelo maikaʻi loa, e kiʻi i kekahi manaʻo ka moʻolelo no Makakēhau a me Puʻupehe, ke aliʻi kāne a me ke aliʻi wahine. He moʻolelo no nā ipo ʻelua e noho ana ma Lānaʻi; he moʻolelo maikaʻi nō hoʻi.

I ka makahiki 1922, ua kūʻai ʻo James Dole i ka mokupuni a pau no hoʻokahi miliona hoʻokahi haneli kaukani kālā. Ua makemake ʻo ia e kanu i nā halakahiki ma laila, a ʻo ia nō kāna i hana ai. I ka wā maikaʻi loa no ke kūʻai halakahiki a Dole, he 65 pākēneka kāna mau halakahiki o nā halakahiki a pau o ka honua nei! Kupaiahana, ʻoiai he mokupuni liʻiliʻi wale nō!

I loko naʻe o ka holopono o nā halakahiki no kekahi wā, ʻaʻole i mau loa mai nō. Ua pau kēlā mau hana, a ua kūʻai ʻo David Murdock i ka mokupuni. Ua mālama ʻo ia i ka inoa ʻo Dole no ka inoa o ka hui hana, akā, hoʻoholo ʻo ia e lilo ka mokupuni i wahi hoʻokipa malihini. Kūkulu ʻia kekahi hōkele i kai, ʻo Manele ka inoa; a laila, kūkulu ʻia kekahi i uka, ʻo Koʻele ka inoa. Aia ʻo Koʻele ma ka 1,500 kapuaʻi, ma kahi o nā keʻena kahiko o ka hui mālama kahua pipi ma mua.

He 3,000 kanaka e noho ana ma ke kauhale ʻo “Lānaʻi City”. Ma laila wale nō nā kānaka e noho ai ma Lānaʻi, a ʻo ka nui o ka poʻe, he hana no ka hui a Murdock. He hoʻokahi kahua mokulele ko ka mokupuni, a he hoʻokahi awa me ka uapo no nā moku mai Maui mai.

He mokupuni liʻiliʻi wale nō ʻo Lānaʻi, akā, he nui kona aloha ʻia.

[mepr-show if=”loggedin”] Disc 7, Musical Introduction
[mepr-s3-audio src=”oleloonline/audio/topics/disc-7-01.m4a”] Disc 7, Track 2
[mepr-s3-audio src=”oleloonline/audio/topics/disc-7-02.m4a”] [/mepr-show] [mepr-show if=”loggedout”]

Please log in to activate the audio player.

[/mepr-show]

Use the buttons below to go the previous item, the help index, or the next item.


Pane mai

Send comments, corrections, or questions about this page to Kumu Kaliko.