Oʻahu Story

Aloha hou mai kakou! Aia kakou ma ka mokupuni o Kākuhihewa, ʻo ia hoʻi ka mokupuni kaulana loa ʻo Oʻahu. ʻElua pae mauna o Oʻahu: ʻo nā Koʻolau a me nā Waiʻanae. ʻO Kaʻala ka mauna kiʻekiʻe loa o Oʻahu, he 4,046 kaupaʻi. ʻO Konahuanui ka mea kiʻekiʻe loa o nā Koʻolau, he 3,150 kapuaʻi. ʻO Kamapuaʻa kekahi kupua kolohe loa i noho ma Oʻahu. He puaʻa a he kanaka ʻo ia, a he nui kona mau kinolau, e like me ke kukui, ka hala, a me ka humuhumunukunukuapuaʻa.

ʻO Kākuhihewa ke aliʻi kaulana o Oʻahu i ka wā kahiko. Aloha nui ʻia ʻo ia e nā makaʻāinana, no ka mea, he aliʻi lokomaikaʻi ʻo ia. Ma kahi o hoʻokahi miliona kānaka e noho ana ma Oʻahu i kēia manawa.

Ua kaulana ʻo Waimea i nā nalu nunui. I kēia kakahiaka, e hele ana ʻelua hoaaloha i ka heʻenalu. ʻO Lani ka wahine a ʻo Kila ke kāne. E hoʻolohe kākou i ka pāpāʻōlelo:

Kila: E Lani
Lani: E ō
Kila: E nānā kāua i nā nalu nui!
Lani: ʻAe, a he kakahiaka mālie kēia! E heʻenalu kāua!
Kila: E heʻe ana au ma luna o nā nalu he kanalima, a ʻo ʻoe, ʻaʻohe!
Lani: ʻAʻole pilikia e kuʻu wahi hoa. E poʻi ana ka nalu mua ma luna ou, no laila, naʻu e hōʻike iā ʻoe i ka hana kūpono.
Kila: Aia nō ā aʻo mai ʻoe i ka hana kūpono, ua pō ka lā!
Lani: E hoʻomaka koke kāua i kēia hola! Mākaukau, kahi, lua, kolu – a ʻo ia!

Lani: Hō, ua kani ka hola 12. Pololi au, e Kila. E ʻai kāua i hea?
Kila: Pehea ka hale ʻaina ʻo Kuaʻāina?
Lani: Maikaʻi.
Kila: E ʻai ana au i nā kanawika he ʻelima, a nāu nō e kūʻai!
Lani: E ʻai ana au i nā kanawika he ʻehiku!
Kila: Lanakila ʻoe.

[mepr-show if=”loggedin”] Disc 4, Musical Introduction
[mepr-s3-audio src=”oleloonline/audio/topics/disc-4-02.m4a”] Disc 4, Track 3
[mepr-s3-audio src=”oleloonline/audio/topics/disc-4-03.m4a”] [/mepr-show] [mepr-show if=”loggedout”]

Please log in to activate the audio player.

[/mepr-show]

Use the buttons below to go the previous item, the help index, or the next item.


Pane mai

Send comments, corrections, or questions about this page to Kumu Kaliko.